1938 წელს, 74 წლის ფელიქს ბრიზელმა გადაწყვიტა საკუთარი დაკრძალვის ორგანიზება — აპირებდა, სიცოცხლეშივე მაქსიმალურად დასწრებოდა ცერემონიას და დამტკბარიყო მისით. უცნობია, ჰქონდა თუ არა ექსცენტრიულ მოხუცს ასაკის გარდა სხვა მიზეზები, რომ ჯანმრთელობისთვის შიში გამოეწვია. ცნობილია, რომ დაკრძალვის შემდეგ ის კიდევ ხუთი წელი იცოცხლა და 1943 წელს, 79 წლის ასაკში გარდაიცვალა. ბრიზელის პირველი დამშვიდობება, სავარაუდოდ, ტენესის შტატის როუნის ოლქის ისტორიაში ერთ-ერთი ყველაზე სენსაციური მოვლენა იყო. პრესამ შეიტყო გარდაცვლილის განზრახვების შესახებ და, სავარაუდოდ, 8-დან 12 ათასამდე ადამიანი დაესწრო დაკრძალვას, რომელიც 26 ივნისს გაიმართა. ჟურნალმა Life-მა ამ მოვლენის შესახებ ფოტოესეც კი გამოაქვეყნა.